Лондоннинг “Тоттенхэм” клуби Формула-1 билан ҳамкорликни бошлади. Матбуот хизмати хабарига кўра, томонлар 15 йил муддатга ҳамкорлик шартномасини имзолаган.
Маълум қилинишича, шу йилнинг кузида ҳамкорлик доирасида "шпорлар"нинг уй аренасида дунёдаги биринчи картинг маркази очилади. Шунингдек, турли интерактив автоспорт мусобақалари ўтказилади.
Англия Премьер-лигасининг жорий мавсуми 25-туридан сўнг “Тоттенхэм” 45 очко жамғариб, турнир жадвалида тўртинчи ўринда бормоқда.
Лондон жамоаси Англия кубогининг бешинчи босқичида “Шеффилд Юнайтед”га қарши баҳс олиб боради.
