Ispaniya terma jamoasi boshqaruvchisi Luis de la Fuente "Barselona" hujumchisi Ansu Fatining qobiliyatini yuqori baholadi.

20 yoshli futbolchi bu mavsumda "ko‘k-anorranglilar"ning asosiy tarkibida kamdan-kam maydonga tushmoqda va bu yozgi transfer oynasida uning boshqa klubga o‘tishi mumkinligi haqidagi taxminlarni keltirib chiqardi.

Marca nashri xabariga ko‘ra, futbolchida biroz pasayish kuzatilganiga qaramay, ispaniyalik murabbiy Fatini kelajakda ispan futbolining asosiy yulduzlaridan biri sifatida ko‘rmoqda. U hujumchiga ishonadi va o‘ziga ishonch qozonishi va to‘liq kuch bilan o‘ynashi uchun unga imkoniyat berishni rejalashtirmoqda.

Ansu Fati joriy mavsumda “Barselona” safida 34 o‘yinda 6 ta gol urdi va 3 ta golli uzatmani amalga oshirdi.