Испания терма жамоаси бошқарувчиси Луис де ла Фуэнте "Барселона" ҳужумчиси Ансу Фатининг қобилиятини юқори баҳолади.
20 ёшли футболчи бу мавсумда "кўк-анорранглилар"нинг асосий таркибида камдан-кам майдонга тушмоқда ва бу ёзги трансфер ойнасида унинг бошқа клубга ўтиши мумкинлиги ҳақидаги тахминларни келтириб чиқарди.
Marca нашри хабарига кўра, футболчида бироз пасайиш кузатилганига қарамай, испаниялик мураббий Фатини келажакда испан футболининг асосий юлдузларидан бири сифатида кўрмоқда. У ҳужумчига ишонади ва ўзига ишонч қозониши ва тўлиқ куч билан ўйнаши учун унга имконият беришни режалаштирмоқда.
Ансу Фати жорий мавсумда “Барселона” сафида 34 ўйинда 6 та гол урди ва 3 та голли узатмани амалга оширди.
