"Chelsi" "Yuventus" hujumchisi Dushan Vlaxovichga qiziqish bildirmoqda.

Jurnalist Saymon Fillipsning so‘zlariga ko‘ra, 23 yoshli serbiyalik futbolchi “ko‘klar”ning asosiy maqsadlaridan biri hisoblanadi.

Eslatib o‘tamiz, 2022 yilning qishida Vlaxovich uchun "Yuventus" "Fiorentina"ga 82 million yevroga to‘lagan edi. "Chelsi" yangi hujumchi qidirmoqda va murabbiylar uchun Vlaxovich juda jozibali ko‘rinmoqda.

Italiya A Seriyasining joriy mavsumida Dushan hisobida 8 ta gol va 2 ta golli uzatma bor. Ilgari futbolchiga “Real” ham qiziqish bildirayotgandi.