Premyer-liga klublari "Nyukasl"ning Saudiya hukumati bilan aloqalaridan noroziligini bildirdi, deb xabar bermoqda Guardian nashri.

Avvalroq Saudiya Arabistoni hukumatining “oq-qora”lar aksiyalari paketiga egalik qiluvchi davlat investisiya fondi mamlakat oliy rahbariyati bilan bevosita bog‘liq ekani ma’lum bo‘lgan edi. Premyer-liga ham faqatgina yuqoridagi faktlar yuz bermaslik sharti bilan "Nyukasl"ni sotib olish bo‘yicha kelishuvni tasdiqlagandi.

APLda o‘ynayotgan klublar voqealarning bunday tus olishidan norozi va vaziyatni e’tiborsiz qoldirish niyatida emas. “Nyukasl” hozircha bu borada izoh bermadi.