Milanning “Inter” klubi yarim himoyachisi Xoqon Chalxano‘g‘lu “neradzurrilar” bilan hamkorlikni uzaytirishi mumkinligi haqida gapirdi.
“Men “Inter”da o‘ynashni davom ettirmoqchiman. Bu jamoaning sharafini himoya qilishdan faxrlanaman. Bu o‘ziga xos klub", - dedi futbolchi Gazzetta dello Sport bilan suhbatda.
29 yoshli futbolchi va "Inter" klubi o‘rtasidagi amaldagi shartnoma 2024 yilning yozida yakuniga yetadi.
Italiya chempionatining joriy mavsumida Chalxano‘g‘lu 23 ta o‘yin o‘tkazib, 2 ta gol va 5 ta golli uzatmaga mualliflik qilgan. Uning narxi 35 million yevroga baholanmoqda.
