Миланнинг “Интер” клуби ярим ҳимоячиси Хоқон Чалханўғлу “нерадзуррилар” билан ҳамкорликни узайтириши мумкинлиги ҳақида гапирди.
“Мен “Интер”да ўйнашни давом эттирмоқчиман. Бу жамоанинг шарафини ҳимоя қилишдан фахрланаман. Бу ўзига хос клуб", - деди футболчи Gazzetta dello Sport билан суҳбатда.
29 ёшли футболчи ва "Интер" клуби ўртасидаги амалдаги шартнома 2024 йилнинг ёзида якунига етади.
Италия чемпионатининг жорий мавсумида Чалханўғлу 23 та ўйин ўтказиб, 2 та гол ва 5 та голли узатмага муаллифлик қилган. Унинг нархи 35 миллион еврога баҳоланмоқда.
