Трансфер ҳуқуқлари «Ливерпуль» клубига тегишли бўлган нидерландиялик ярим ҳимоячи Райан Гравенберх АПЛни тарк этиши мумкин. Хавбекда фаолиятини Испания чемпионатида давом эттириш варианти пайдо бўлди.

«Fichajes» журналистларининг берган маълумотига кўра, Мадриднинг «Реал» клуби футболчи трансферига қизиқиш билдирмоқда. «Қаймоқранглилар» Гравенберх номзодини кейинги мавсум учун таркибни кучайтириш чораси сифатида кўриб чиқишяпти.

Нидерландиялик футболчининг трансфер бозоридаги баҳоси 80 миллион еврони ташкил этади. Унинг «қизиллар» билан амалдаги шартномаси 2032 йилнинг ўрталарига қадар мўлжалланган. АПЛнинг якунланган мавсумида Гравенберх 36 та ўйинда майдонга тушиб, 5 та гол урди ва 3 та голли узатмани амалга оширди.