"Liverpul" yanvardagi transfer oynasida "Monako"da o‘ynagan himoyachi Benua Badiashileni sotib olmoqchi edi. Biroq fransiyalik futbolchi “Enfild”ga o‘tishni rad etdi.
Football Italia xabariga ko‘ra, Badiashile "Liverpul" qiziqishiga qaramay "Chelsi"ga o‘tishni tanlagan. Fransiyalik futbolchi shu kungacha "aristokratlar"ga uchta o‘yinda o‘z darvozasi daxlsizligini saqlab qolishga yordam berdi.
22 yoshli Badiashile yanvar oyi boshida "Chelsi"ga 38 million yevroga tushgan edi. Himoyachi haligacha 21-asrda tug‘ilib, Fransiya chempionatida 100 dan ortiq o‘yin o‘tkaza olgan yagona futbolchi bo‘lib turibdi.
