"Barselona" o‘zining rasmiy sayti orqali himoyachi Serxi Roberto bilan shartnoma uzaytirilganini e’lon qildi. 31 yoshli futbolchi klub bilan 2023/2024 yilgi mavsum oxirigacha hisoblangan mehnat shartnomasini imzoladi.
Qayd etilishicha, Serxi Robertoning yangi shartnomasida tovon puli yozilgan. Himoyachini “Barselona”dan 400 million yevroga sotib olishingiz mumkin.
Serxi Roberto "Barselona"ning asosiy jamoasi safida 339 ta rasmiy o‘yin o‘tkazgan. Ularda himoyachi 15 ta gol urgan va sheriklariga 40 ta golli uzatma bergan.
"Barselona" ayni damda Ispaniya chempionati jadvalida peshqadamlik qilmoqda.
