"Барселона" ўзининг расмий сайти орқали ҳимоячи Серхи Роберто билан шартнома узайтирилганини эълон қилди. 31 ёшли футболчи клуб билан 2023/2024 йилги мавсум охиригача ҳисобланган меҳнат шартномасини имзолади.
Қайд этилишича, Серхи Робертонинг янги шартномасида товон пули ёзилган. Ҳимоячини “Барселона”дан 400 миллион еврога сотиб олишингиз мумкин.
Серхи Роберто "Барселона"нинг асосий жамоаси сафида 339 та расмий ўйин ўтказган. Уларда ҳимоячи 15 та гол урган ва шерикларига 40 та голли узатма берган.
"Барселона" айни дамда Испания чемпионати жадвалида пешқадамлик қилмоқда.
