Лондоннинг «Челси» клубига тегишли бўлган аргентиналик ярим ҳимоячи Энцо Фернандес Мадриднинг «Реал» клуби президенти Флорентино Переснинг бош мақсади бўлиб турибди. Бу ҳақда Defensa Central журналистлари хабар бермоқда.

Манбага маълум бўлишича, «қироллик» клуби Фернандес учун бир йўла икки нафар футболчисини таклиф қилишга тайёр. Унга кўра, қанот ҳимоячиси Альваро Каррерас ва ярим ҳимоячи Эдуардо Камавинга «Стэмфорд Бридж»га кўчиб ўтиши мумкин.

25 ёшли аргентиналик футболчининг трансфер қиймати 90 миллион еврога баҳоланмоқда. Фернандес ва «аристократлар» ўртасидаги амалдаги меҳнат шартномаси 2032 йилнинг июнь ойи охирида якунига етади.