Ганалик шаман Нана Нваку Бонсам ушбу Жаҳон чемпионатида Харри Кейнга афсун қилгани билан машҳур бўлиб улгурди. Бу афсун форварднинг ўйинига қанчалик таъсир қилганини ҳар ким ўзи ҳал қилиши мумкин, бироқ факт шундаки, Англия Ганани мағлуб эта олмади (0:0), Кейн эса қулай вазиятларни голга айлантира олмади.
Эндиликда шаман жорий Жаҳон чемпионатида ғолиб чиқади деб ҳисоблаётган жамоаси номини маълум қилди.
"Бу Жаҳон чемпионати — Португалия ва Криштиану Роналдуники. Улар унда ғалаба қозонишади", — дея Бонсамнинг сўзларини келтиради The Touchline нашри.
Груҳ босқичининг ортда қолган икки турида Португалия терма жамоаси Конго ДР билан дуранг (1:1) ва Ўзбекистон устидан қозонилган ғалаба (5:0) эвазига тўрт очко жамғарган.
