"Реал" бош мураббийи Жозе Моуриньо ҳозирда Жаҳон чемпионатида ўз терма жамоалари ихтиёрида бўлиб турган шогирдларига мағлубият тилади. Португалиялик мутахассис "қаймоқранглилар" футболчилари мавсум олди тайёргарлик машғулотларини тезроқ бошлашларини истамоқда.
"Жаҳон чемпионатидан нима кутяпман? Мен "Реал" футболчилари мағлуб бўлишларини хоҳлайман. Чунки уларнинг мавсум олди тайёргарлик йиғинларига тезроқ етиб келишларини истайман", — дейилган Моуриньонинг видеоси Reddit платформасида пайдо бўлди.
Жозе Моуриньонинг бу истагини ҳаммадан ҳам тезроқ ярим ҳимоячи Арда Гюлер "бажарди" — Туркия терма жамоаси Жаҳон чемпионатининг плей-офф босқичига чиқиш имкониятини биринчилардан бўлиб йўқотди.
