Мадриднинг "Реал" клуби ярим ҳимоячиси Эдуардо Камавинга Англиянинг "Ливерпуль" клуби қизиқишлари доирасига тушиб қолди. Бу ҳақда TEAMtalk нашри хабар бермоқда.
Манбанинг берган маълумотларига кўра, "Ливерпуль" 23 ёшли хавбекнинг эҳтимолий трансфери бўйича "қаймоқранглилар" қароргоҳига сўров юборган. Хабар қилинишича, "Реал" ва бош мураббий Жозе Моуриньо француз ярим ҳимоячиси бўйича келадиган таклифларни кўриб чиқишга тайёр.
Камавинганинг ўзи фаолиятида янги чақирувга шай турибди. "Реал" эса Лондоннинг "Челси" клуби юлдузи Энцо Фернандесни сотиб олишни истаётгани сабабли француз футболчисини сотиб юбориши мумкин.
2025/26 йилги мавсумда Камавинга барча турнирларда 43 та учрашувда майдонга тушиб, иккита гол урди ва битта голли узатмани амалга оширди.
