Европа футболи грандлари Леннарт Карлнинг ўсишини диққат билан кузатиб боришмоқда. El Nacional нашрида эълон қилинган мақолада айтилишича, «Барселона» «Бавария»нинг 18 ёшли футболчисига қизиқиш билдираётган клублар рўйхатидан жой олган.
Карлнинг эҳтимолий трансфери анча қимматга тушади, бунинг устига «Бавария» табиийки, истеъдодли футболчиси билан хайрлашишни истамаяпти.
«Агар кунлардан бир кун «Бавария» унинг кетиши учун эшикларни очса, Деку нархни аллақачон билади: кўпчилик томонидан Германияда ўз авлодининг бош таланти деб ҳисобланаётган футболчи учун тахминан 100 миллион евро», — дейилади мақолада.
«Бавария» 100 миллион еврони Леннарт Карл учун энг минимал нарх деб ҳисобламоқда.
