20 yoshgacha bo‘lgan futbolchilar o‘rtasidagi Osiyo kubogi guruh bosqichi doirasida bugun "D" guruhi vakillari 1-tur o‘yinlarini o‘tkazishdi.

Yaponiya yoshlar terma jamoasi Xitoyga qarshi maydonga chiqdi. Uchrashuvning 6-daqiqasida Hayato Tanaka o‘z darvozasini ishg‘ol qilib qo‘ydi. Shunga qaramasdan yaponlar to‘pni nazorat qildi. Birinchi bo‘lim Xitoy foydasiga hal bo‘ldi. Ikkinchi bo‘limda esa Yaponiya yana faol harakat qildi va 66-daqiqa Naoki Kumata muvozanatni tikladi. 70-daqiqada Kumata dublni rasmiylashtirdi. O‘yin oxiriga qadar shu hisob saqlanib qoldi va Yaponiya g‘alaba qozondi.

"D" guruhining ikkinchi bahsida Saudiya Arabistoni va Qirg‘iziston yoshlari o‘zaro to‘qnash kelishdi. Uchrashuvning birinchi bo‘limida darvozalar daxlsizligi saqlanib qoldi. Ikkinchi bo‘limda Abdulloh Radif tomonidan penaltidan urilgan gol yagonaligicha qoldi va saudiyalik yoshlarga g‘alaba keltirdi.

U-20 Osiyo kubogi, "D" guruhi, 1-tur
3 mart, juma
Yaponiya U-20 — Xitoy U-20 2:1
Gollar: 0:1 — 6 Hayato Tanaka, 1:1 — 66 Naoki Kumata, 2:1 — 70 Naoki Kumata.
Yaponiya U-20: Ryoya Kimura, Hayato Tanaka, Hayate Matsuda, Riku Yamane, Kuryu Matsuki, Ayumu Yokoyama, Sota Kitano, Isa Sakamoto, Yusei Yashiki, Kota Takai, Xidemasa Koda.
Xitoy U-20: Li Hao, Hu Hetao, Yang Minje, Liu Haofan, Aifiereding Aisikaer, Baixelamu Abduvali, Zang Yixuan, Hu Bin, Hiang Rongjun, Chen Zehuan, Xierzat Nuer.

Saudiya Arabistoni U-20 — Qirg‘iziston U-20 - 1:0
Gol: 1:0 — 50 Abdulloh Radif (penalti).
Saudiya Arabistoni U-20: Muhammad Daklilah Al Dosari, Muhammad Sulaymon Bakor, Muhammad Ali Barnavi, Abdulaziz Saud Alelevai, Abdulloh Hadi Radif, Musab Fahad Aljuvayr, Yassen Atiah Alzubadi, Salim Abdulla Alnajdi, Marvan Saeyed Alsahafi, Suhayb Ayman Alzaid, Osama Mubarak.
Qirg‘iziston U-20:  Sultan Chomoyev, Kristian Brauzman, Elaman Aklbekov, Said Dasiyev, Atai Ilichbek Uulu, Mirlan Bekberdinov, Bektur Abdvaliyev, Arsen Shershenbekov, Arslan Bekberdinov, Marlen Murzahmatov, Merk Kimi Bern.