20 ёшгача бўлган футболчилар ўртасидаги Осиё кубоги гуруҳ босқичи доирасида бугун "D" гуруҳи вакиллари 1-тур ўйинларини ўтказишди.

Япония ёшлар терма жамоаси Хитойга қарши майдонга чиқди. Учрашувнинг 6-дақиқасида Ҳаято Танака ўз дарвозасини ишғол қилиб қўйди. Шунга қарамасдан японлар тўпни назорат қилди. Биринчи бўлим Хитой фойдасига ҳал бўлди. Иккинчи бўлимда эса Япония яна фаол ҳаракат қилди ва 66-дақиқа Наоки Кумата мувозанатни тиклади. 70-дақиқада Кумата дублни расмийлаштирди. Ўйин охирига қадар шу ҳисоб сақланиб қолди ва Япония ғалаба қозонди.

"D" гуруҳининг иккинчи баҳсида Саудия Арабистони ва Қирғизистон ёшлари ўзаро тўқнаш келишди. Учрашувнинг биринчи бўлимида дарвозалар дахлсизлиги сақланиб қолди. Иккинчи бўлимда Абдуллоҳ Радиф томонидан пенальтидан урилган гол ягоналигича қолди ва саудиялик ёшларга ғалаба келтирди.

U-20 Осиё кубоги, "D" гуруҳи, 1-тур
3 март, жума
Япония U-20 — Хитой U-20 2:1
Голлар: 0:1 — 6 Ҳаято Танака, 1:1 — 66 Наоки Кумата, 2:1 — 70 Наоки Кумата.
Япония U-20: Рёя Кимура, Ҳаято Танака, Ҳаяте Матсуда, Рику Ямане, Курю Матсуки, Аюму Ёкояма, Сота Китано, Иса Сакамото, Юсеи Яшики, Кота Такаи, Хидемаса Кода.
Хитой U-20: Ли Ҳао, Ҳу Ҳетао, Янг Минже, Лиу Ҳаофан, Аифиэрединг Аисикаэр, Баихеламу Абдували, Занг Йихуан, Ҳу Бин, Ҳианг Ронгжун, Чен Зеҳуан, Хиэрзат Нуэр.

Саудия Арабистони U-20 — Қирғизистон U-20 - 1:0
Гол: 1:0 — 50 Абдуллоҳ Радиф (пенальти).
Саудия Арабистони U-20: Муҳаммад Даклилаҳ Ал Досари, Муҳаммад Сулаймон Бакор, Муҳаммад Али Барнави, Абдулазиз Сауд Алелеваи, Абдуллоҳ Ҳади Радиф, Мусаб Фаҳад Алжувайр, Яссен Атиаҳ Алзубади, Салим Абдулла Алнажди, Марван Саэед Алсаҳафи, Суҳайб Айман Алзаид, Осама Мубарак.
Қирғизистон U-20:  Султан Чомоев, Кристиан Браузман, Эламан Аклбеков, Саид Дациев, Атаи Иличбек Уулу, Мирлан Бекбердинов, Бектур Абдвалиев, Арсен Шершенбеков, Арслан Бекбердинов, Марлен Мурзаҳматов, Мерк Кими Берн.