"Manchester Yunayted" darvozaboni David de Xea jamoaning "Liverpul"ga qarshi o‘yinda "Enfild"dagi shov-shuvli muvaffaqiyatsizligidan so‘ng muxlislarga murojaat qildi.
“Qizil iblislar” darvozasiga javobsiz yettita gol kiritildi, shundan oltitasi ikkinchi bo‘limda.
“Bunday kunda bunday xabarlar unchalik mos kelmasligini bilaman. Biz uchun halokatli kun. Bunday natijani qabul qilib bo‘lmaydi, ayniqsa, joriy mavsumda olib borayotgan yo‘limizni hisobga olsak. Biz bu klubdan qarzdormiz. Oldinda bizni ko‘plab o‘yinlar kutib turibdi, endi biz kelajakka e’tibor qaratishimiz kerak”, - deb yozdi de Xea ijtimoiy tarmoqlarda.
