"Barselona" boshqaruvchisi Xavi Ernandes Ispaniya chempionatida jamoa boshchiligidagi 50-uchrashuvini o‘tkazdi.
“Barselona” yakshanba kungi o‘yinda “Valensiya”ni minimal hisobda mag‘lub etdi. Ispan manbalariga ko‘ra, Xavi boshchiligida "ko‘k-anorranglilar" La Liganing 50 ta o‘yinida 118 ochko to‘plagan - Kataloniya gigantining barcha murabbiylari orasida bu ikkinchi ko‘rsatkich. Xosep Gvardiola ham xuddi shunday natija ko‘rsatgan. Yuqorida faqat Luis Enrike joylashgan - 124.
La Liganing joriy mavsumida 24-turdan keyin “Barselona” 62 ochko bilan turnir jadvalida peshqadamlik qilmoqda.
