Yulian Nagelsmann Kilian Mbappeni dunyoning eng yaxshi hujumchilaridan biri deb atadi.
"Bavariya" bosh murabbiyi "PSJ"ga qarshi YECHL 1/8 final javob uchrashuvi arafasida fransiyalik hujumchi haqida fikr bildirdi.
"Uning birinchi o‘yinda maydonga tushishi "PSJ"ga ham, "Bavariya"ga ham ta’sir qildi. U dunyoning eng yaxshi hujumchilaridan biri.
U maydonga tushganida yondashuv o‘zgaradi. Kilian ikkinchi o‘yinni asosiy tarkibda boshlaydi. Bu masalaga jamoaviy yechim topish muhim. Biz yaxshi tayyorgarlik ko‘rdik", - dedi Nagelsmann.
Myunxen klubi birinchi o‘yinda g‘alaba qozongan – 1:0.
"Bavariya" va "PSJ" o‘rtasidagi javob o‘yini 8 mart kuni tunda Myunxenda bo‘lib o‘tadi.