"Chelsi" va "Benfika" Chempionlar ligasi chorak finalining ilk ishtirokchilari bo‘lishdi.
1/8 final javob o‘yinida inglizlar Dortmundning “Borussiya” jamoasini mag‘lub etishdi (2:0, birinchi o‘yin – 0:1). Portugal klubi esa "Bryugge" ustidan qozonilgan ikki g‘alaba (2:0, 5:1) evaziga keyingi bosqichga yo‘l oldi.
8 mart kuni Chempionlar ligasi 1/8 finalining yana 2 ta o‘yini bo‘lib o‘tadi: "Bavariya" "PSJ" bilan, "Tottenxem" esa "Milan" bilan o‘ynaydi. Har ikki o‘yin Toshkent vaqti bilan 01:00da boshlanadi.
