"Vest Xem" hujumchisi Janluka Skamakka uyiga qaytishi mumkin.
Italiyalik futbolchi o‘tgan yozda "Sassuolo"dan 36 million yevro evaziga "bolg‘achilar" safiga qo‘shilgan edi. Hujumchi hali ingliz futbolida o‘zini to‘liq ochib bera olgani yo‘q, shu sababli, mish-mishlarga ko‘ra, u A Seriyaga qaytishi mumkin.
Gazzetta dello Sport. xabariga ko‘ra, "Inter" 24 yoshli futbolchiga ko‘z tikmoqda. "Neradzurrilar" uni mavsum oxirida shartnomasi tugaydigan Edin Jekoga o‘rinbosar sifatida ko‘rmoqda.
Janluka Skamakka "Vest Xem" safida 25 ta o‘yinda 7 ta gol urgan.