Italiya A Seriya 26-turida "Spesiya" o‘z maydonida "Inter"ni qabul qilib, 2:1 hisobida g‘alaba qozondi.
13-daqiqada mehmonlar hujumchisi Lautaro Martines penaltidan foydalana olmadi. Spesiyaliklar safida Eldor Shomurodovni almashtirgan Daniel Maldini 55-daqiqada hisobni ochdi.
83-daqiqada esa bu safargi penaltidan Romelu Lukaku unumli foydalanib, oradagi farqni yo‘qqa chiqargan edi, ammo 87-daqiqa o‘tib borayotgan vaqtda Mbala Nzola ham 11 metrlik jarima zarbasini ishonchli amalga oshirib, mezbonlarga g‘alaba keltirdi.
"Inter" 50 ochko bilan 2-o‘rinda, "Spesiya" 24 ochko bilan 17-pog‘onada bormoqda.
Spesiya – Inter 2:1 (0:0, 2:1)
11 mart, 00.45, «Alberto Pikko»
Gollar: 1:0 – 55 Maldini, 1:1 – 83, penaltidan Lukaku, 2:1 – 87, penaltidan Nzola.
Spesiya – Drongovski, Amyan, Nikolau, Kaldara, Ampadu, Burabiya, Jurkovski (Ekdal, 46), Agudelo (Kovalenko, 67), Shomurodov (Maldini, 46; Visnevski, 89), Nzola, Djasi (Ferrer, 81).
Inter – Xandanovich, Darmian (Karboni, 80), D`Ambrozio (Dumfris, 66), Acherbi, Bastoni, Gozens (Dimarko, 66), Mxitaryan (Djeko, 66), Brozovich, Barella (Chalxanoglu, 66), Lukaku, Martines.
Ogohlantirishlar: Djasi (6), Kaldara (12), Nikolau (71).
