Италия А Серия 26-турида "Специя" ўз майдонида "Интер"ни қабул қилиб, 2:1 ҳисобида ғалаба қозонди.

13-дақиқада меҳмонлар ҳужумчиси Лаутаро Мартинес пенальтидан фойдалана олмади. Специяликлар сафида Элдор Шомуродовни алмаштирган Даниэль Мальдини 55-дақиқада ҳисобни очди.

83-дақиқада эса бу сафарги пенальтидан Ромелу Лукаку унумли фойдаланиб, орадаги фарқни йўққа чиқарган эди, аммо 87-дақиқа ўтиб бораётган вақтда Мбала Нзола ҳам 11 метрлик жарима зарбасини ишончли амалга ошириб, мезбонларга ғалаба келтирди.

"Интер" 50 очко билан 2-ўринда, "Специя" 24 очко билан 17-поғонада бормоқда.

Специя – Интер 2:1 (0:0, 2:1)

11 март, 00.45, «Альберто Пикко»

Голлар: 1:0 – 55 Мальдини, 1:1 – 83, пенальтидан Лукаку, 2:1 – 87, пенальтидан Нзола.

Специя – Дронговски, Амьян, Николау, Кальдара, Ампаду, Бурабия, Журковски (Экдаль, 46), Агудело (Коваленко, 67), Шомуродов (Мальдини, 46; Висьневски, 89), Нзола, Джаси (Феррер, 81).

Интер – Ханданович, Дармиан (Карбони, 80), Д`Амброзио (Думфрис, 66), Ачерби, Бастони, Гозенс (Димарко, 66), Мхитарян (Джеко, 66), Брозович, Барелла (Чалханоглу, 66), Лукаку, Мартинес.

Огоҳлантиришлар: Джаси (6), Кальдара (12), Николау (71).