Myonxengladbaxning "Borussiya" klubi yarim himoyachisi Kuadio Kone "PSJ"ning unga bo‘lgan qiziqishi haqidagi ma’lumotlarga izoh berdi.
"PSJ"ning qiziqishi ajoyib. Men Parijda tug‘ilganman va u Chempionlar ligasida o‘ynaydigan va ajoyib o‘yinchilarga ega ajoyib klub. Ular bilan o‘ynasangiz, faqat yaxshilanishingiz mumkin. Ammo hozir men "Borussiya"daman va bor e’tiborimni jamoada o‘ynashga qaratganman. Kelajakda nima bo‘lishini ko‘ramiz", - deydi Kone.
Joriy mavsumda 21 yoshli yarim himoyachi “Borussiya” safida 15 ta o‘yinda maydonga tushib, 1 ta gol urdi va 1 ta golli uzatmani amalga oshirdi. Konening shartnomasi 2025 yilning yoziga qadar mo‘ljallangan.
