Мёнхенгладбахнинг "Боруссия" клуби ярим ҳимоячиси Куадио Коне "ПСЖ"нинг унга бўлган қизиқиши ҳақидаги маълумотларга изоҳ берди.
"ПСЖ"нинг қизиқиши ажойиб. Мен Парижда туғилганман ва у Чемпионлар лигасида ўйнайдиган ва ажойиб ўйинчиларга эга ажойиб клуб. Улар билан ўйнасангиз, фақат яхшиланишингиз мумкин. Аммо ҳозир мен "Боруссия"даман ва бор эътиборимни жамоада ўйнашга қаратганман. Келажакда нима бўлишини кўрамиз", - дейди Коне.
Жорий мавсумда 21 ёшли ярим ҳимоячи “Боруссия” сафида 15 та ўйинда майдонга тушиб, 1 та гол урди ва 1 та голли узатмани амалга оширди. Коненинг шартномаси 2025 йилнинг ёзига қадар мўлжалланган.
