Мадриднинг "Реал" клубида Майкл Олисени ёзда қўлга киритиш осон бўлмаслигини яхши тушунишади.
"Қаймоқранглилар" франциялик юлдузни "Бавария"дан тортиб олмоқчи, аммо мюнхенликлар ўз етакчи ўйинчиси билан хайрлашишни истамаяпти. Diario AS маълумотларига кўра, "Реал"да ҳамон Олисени трансфер қилиш орзуси сақланиб қолган. Шу билан бирга, агар бу режани амалга оширишнинг иложи бўлмаса, Жозе Моуриньонинг ҳужум ўнг қаноти учун асосий танлови, катта эҳтимол билан, Арда Гюлер бўлади.
Ўтган мавсумда туркиялик футболчи мадридликлар сафида барча турнирларда 51 та ўйин ўтказиб, олтита гол урган ва 14 та голли узатмани амалга оширган. У асосан қанотда эмас, балки майдон марказида ҳаракат қилганди.
