Madridning “Real” klubi bosh murabbiyi Karlo Anchelotti “Tottenxem” hujumchisi Risharlison bilan yana birga ishlamoqchi, u avval “Everton”da birgalikda faoliyat olib borgan.
Diario AS xabariga ko‘ra, italiyalik mutaxassis 2021 yilning yozida "Santyago Bernabeu"ga qaytganidan so‘ng braziliyalik futbolchini darhol transfer ro‘yxatiga kiritgan.
Eslatib o‘tamiz, Risharlison o‘tgan yozda "Everton"dan "Tottenxem"ga ko‘chib o‘tgandi va u yerda Xarri Keyn bilan raqobat tufayli haligacha o‘zining eng yaxshi fazilatlarini ko‘rsata olmayapti. Angliya Premyer-ligasining joriy mavsumida braziliyalik futbolchi hisobida bitta ham gol yo‘q.
Agar klub kelasi yozda yangi hujumchi sotib olishni istasa, Risharlison "Real Madrid" uchun variantlardan biri bo‘ladi.