"Barselona" yarim himoyachisi Frank Kessye yangi jamoaga moslashish davri haqida gapirdi. Kot-d'Ivuarlik futbolchi "ko‘k-anorranglilar" tarkibida bir necha oydan beri o‘ynamoqda. Yarim himoyachi o‘tgan yozda erkin agent sifatida jamoaga kelib qo‘shilgandi.

"Barselona"ga ko‘chib o‘tganimdan keyin men uchun qiyin bo‘ldi, yangi tilni o‘rganishim, yangi mamlakatga, yangi mentalitetga ko‘nikishim kerak edi. Aytganimdek, "Barselona"dek yirik klubda o‘ynash juda qiyin", - dedi Kessye Mundo Deportivo bilan suhbatda.

Oldinroq Kessye kelasi yozda A Seriyaga qaytishi mumkinligi haqida mish-mishlar tarqalgan edi. Yarim himoyachining transferiga Italiya vise-chempioni "Inter" qiziqish bildirmoqda.