"Барселона" ярим ҳимоячиси Франк Кессье янги жамоага мослашиш даври ҳақида гапирди. Кот-д'Ивуарлик футболчи "кўк-анорранглилар" таркибида бир неча ойдан бери ўйнамоқда. Ярим ҳимоячи ўтган ёзда эркин агент сифатида жамоага келиб қўшилганди.

"Барселона"га кўчиб ўтганимдан кейин мен учун қийин бўлди, янги тилни ўрганишим, янги мамлакатга, янги менталитетга кўникишим керак эди. Айтганимдек, "Барселона"дек йирик клубда ўйнаш жуда қийин", - деди Кессье Mundo Deportivo билан суҳбатда.

Олдинроқ Кессье келаси ёзда А Серияга қайтиши мумкинлиги ҳақида миш-мишлар тарқалган эди. Ярим ҳимоячининг трансферига Италия вице-чемпиони "Интер" қизиқиш билдирмоқда.