"Chelsi" yozda o‘z safiga qo‘shib olmoqchi bo‘lgan yarim himoyachilar ro‘yxatini tuzdi, deb xabar beradi Football Insider.
Ro‘yxatga Frenki de Yong (“Barselona”), Moyses Kaysedo (“Brayton”), Deklan Rays (“Vest Xem”) va Jud Bellingem (“Borussiya Dortmund”) kiritilgan.
"Chelsi" xo‘jayini Todd Boeli uchun de Yong ustuvor vazifa bo‘lib turibdi. U "Barselona"ning moliyaviy muammolarini hisobga olgan holda eng qulay nomzod sanaladi.
Frenki joriy mavsumda 32 o‘yinda 2 gol va 1 golli uzatmani amalga oshirdi.