Italiyalik sobiq futbolchi Paolo di Kanio «Yuventus» hujumchisi Dushan Vlaxovichning o‘yinini tanqid qildi.
Massimiliano Allegri shogirdlari «Sampdoriya»ni mag‘lub etishdi (4:2), ammo serbiyalik hujumchi o‘zini oqlay olmadi. 69-daqiqada u penaltini amalga oshira olmadi.
«Vlaxovich penalti nuqtasiga qo‘rquv bilan yaqinlashdi, bugun uning o‘yinida noaniqliklar ko‘p bo‘ldi.
Ba’zi vaziyatlarda uning o‘yinida futbol zakovatining yetishmasligi juda ko‘p ko‘zga tashlanadi. Ba’zan u epizodlarni juda murakkab qilib yuboradi.
Allegri uni himoya qilib, u uchun faqat gol muhimligini aytdi, ammo Vlaxovich bugun juda yomon o‘ynadi», - dedi Di Kanio.
