Италиялик собиқ футболчи Паоло ди Канио «Ювентус» ҳужумчиси Душан Влаховичнинг ўйинини танқид қилди.
Массимилиано Аллегри шогирдлари «Сампдория»ни мағлуб этишди (4:2), аммо сербиялик ҳужумчи ўзини оқлай олмади. 69-дақиқада у пенальтини амалга ошира олмади.
«Влахович пенальти нуқтасига қўрқув билан яқинлашди, бугун унинг ўйинида ноаниқликлар кўп бўлди.
Баъзи вазиятларда унинг ўйинида футбол заковатининг етишмаслиги жуда кўп кўзга ташланади. Баъзан у эпизодларни жуда мураккаб қилиб юборади.
Аллегри уни ҳимоя қилиб, у учун фақат гол муҳимлигини айтди, аммо Влахович бугун жуда ёмон ўйнади», - деди Ди Канио.
