Kataloniyaning “Barselona” klubi yarim himoyachisi Gavi, sudning futbolchini ro‘yxatdan o‘tkazishni bekor qilish haqidagi qaroriga qaramay, asosiy jamoa safida Ispaniya chempionatida o‘ynashda davom etadi. Bu haqda Cadena SER nashri xabar bermoqda.

Eslatib o‘tamiz, avvalroq sud qarori tufayli Gavi tez orada erkin agentga aylanishi mumkinligi haqida xabarlar tarqalgan edi. "Manchester Siti" va "Liverpul" futbolchi bilan bog‘liq vaziyatni faol ravishda kuzatishni boshladi.

Biroq manbaning xabariga ko‘ra, La Liga rahbariyati "Barselona"ni Gavi asosiy tarkibda o‘ynashda davom etishiga va hozircha 6-raqamli futbolkani kiyishiga ishontirdi. Kataloniya klubi muammoni butunlay hal qila oladigan yechim izlamoqda.