Каталониянинг “Барселона” клуби ярим ҳимоячиси Гави, суднинг футболчини рўйхатдан ўтказишни бекор қилиш ҳақидаги қарорига қарамай, асосий жамоа сафида Испания чемпионатида ўйнашда давом этади. Бу ҳақда Cadena SER нашри хабар бермоқда.
Эслатиб ўтамиз, аввалроқ суд қарори туфайли Гави тез орада эркин агентга айланиши мумкинлиги ҳақида хабарлар тарқалган эди. "Манчестер Сити" ва "Ливерпуль" футболчи билан боғлиқ вазиятни фаол равишда кузатишни бошлади.
Бироқ манбанинг хабарига кўра, Ла Лига раҳбарияти "Барселона"ни Гави асосий таркибда ўйнашда давом этишига ва ҳозирча 6-рақамли футболкани кийишига ишонтирди. Каталония клуби муаммони бутунлай ҳал қила оладиган ечим изламоқда.
