Superliganing 3-turidan o‘rin olgan “Paxtakor” – “Navbahor” (2:1) uchrashuvidan keyingi matbuot anjumanining birinchi qismida namanganliklar bosh murabbiyi Samvel Babayan OAV xodimlarining savollariga javob berdi. Samvel Vyacheslavovich odatgidek, o‘z so‘zini o‘yin haqidagi fikrlari bilan boshladi.

— Barchaga xayrli kech. Bugun chempionatning eng yorqin va eng muhim o‘yini bo‘lib o‘tdi. Agar durang bo‘lganida, adolatdan bo‘lar edi. Bahsning birinchi daqiqasida o‘z darvozamizdan to‘p o‘tkazib yubordik, ammo yigitlar o‘yinga qayta olishdi. Keyin xato qilib, yana to‘p o‘tkazdik, ammo yana qaytdik.

Bir kishi kam bo‘lib penalti ishladik, uni ammo uni golga aylantira olmadik. Bugun yigitlarimga achindim. Muxlislarimiz mag‘lubiyatga loyiq emas edi. Ular bugun bizni o‘z uyimizda o‘ynagandek his qilishimizga yordam berishdi. Hali hammasi oldinda. Biz endi qo‘shyapmiz. Mexanizmimizni yanada kuchaytiramiz. Bizda boshqa variant yo‘q. Oldimizga katta maqsadlar qo‘yganmiz.

— Oston O‘runov nega zaxiraga olindi?
— Oston yaxshi o‘yin ko‘rsatdi, ammo ruhan charchab qoldi. Biz yengilayotgan paytimizda uni maydondan olib, yangi kuchni jangga tashladik. Bu normal holat.

— Farrux Ikromovning darajasi qanday?
— Uning imkoniyatlariga shubham yo‘q. Biz uni kechroq maydonga tushirganimiz hech narsani anglatmaydi. Farrux endigina jarohatidan forig‘ bo‘ldi. U hali to‘liq sport formasini tiklay olgani yo‘q.

— Bugun “Navbahor” biroz maydonda cho‘chib harakat qilgandek tuyuldi. Bu nima bilan bog‘liq?
— Birinchi navbatda, markaziy o‘yinning ilk daqiqasidayoq qo‘pol xatodan o‘z darvozamizdan to‘p o‘tkazib yubordik. Raqib maydonida bunday startdan so‘ng o‘yinga qaytish oson emas. Yigitlar bu ishni uddalashdi. Bir kishi kam bo‘lib ham penalti ishladik, ammo buni golga aylantirishning imkoni bo‘lmadi.

Bizga ayrim vaziyatlarda uyushqoqlik yetishmadi. Hozir imkoniyatlarimizni 70 foizini ham amalga oshira olmadik. Bu borada ishlaymiz.

Davron Hoshimov juda qo‘pol xato qildi. U emosiyalarini jilovlab olishi kerak edi. Qiziqqon yurak va sovuq miya bilan harakatlanish lozim. Hoshimovga nisbatan raqib provakasiya qildi. Yakunda u o‘z maqsadiga yetdi ham. Shunga qaramay, uning qilgan ishini oqlay olmayman.

“Navbahor” PFK matbuot xizmati.