Spalettida anchadan beri sovrin yo‘q edi
Bu mavsum «Napoli» uchun atalgandek go‘yo. Boshqa hech qanday tushuntirishga hojat yo‘q. «Milan» chempionlikdan so‘ng bunchalar zaif o‘ynashini, «Inter» hammaga ketma-ket ochko berishini, «Yuve» moliyaviy firibgarlikdan jabr chekishini kimdir kutganmidi? Buni bir vaqtning o‘zida hazm qilish qiyin. Ammo «Napoli» buni istisno qildi. Luchano Spaletti jamoasi Yevropadagi hammadan tezroq chempionlikka oshiqmoqda va munosib ravishda kubokni oladi ham (ikkinchi o‘rindan 18 ochkolik ustunlik mavjud).
Chempionlar ligasi boshqa voqea. «Liverpul», «Ayaks» va «Reynjers» bilan bir guruhdan joy olgan edi neapolliklar. «Napoli» «Liverpul»ni 4:1 hisobida mag‘lub etdi va darhol o‘zini guruh favoriti sifatida ko‘rsatdi. U birinchi o‘rinni egallab, 1/8 finalda «Real» bilan uchrashuvdan omon qoldi. Buning o‘rniga neapolliklar «Ayntraxt»ga ro‘baro keldi va endi chorak final. Hikoyaning tugash vaqti keldimi? Lekin hali bunga erta. Chunki qur’a buni aytib turibdi. «Napoli»ga «Milan» raqib bo‘ldi. Yarim finalda esa «Inter» – «Benfika» juftligi g‘olibi bilan kuch sinashadi.
«Napoli»ning oson raqib bo‘ladi deganlar adashadi. Bu mavsumda neapolliklar Italiya chempionatida «Milan»ni mag‘lub etishdi va tez orada ular yana uchrashadilar. Aytgancha, «Inter» bilan vaziyat boshqacha: jamoa aksincha, mag‘lub bo‘ldi. Vaholanki, Neapol klubi bu raqiblardan aslo kam emasligini hamma tushunadi. Xuddi «Benfika» kabi. Bunga sehrli mavsumni, motivasiyani, Xvicha va Osimxen tandemini qo‘shsak, jamoani bemalol finalga yo‘l oladi deyish mumkin. Kafolatlanmagan, lekin juda ehtimoli yuqori bo‘lgan taxmin.
«Napoli» juda omadli jamoa. Qur’ada «Bavariya», «Manchester Siti» va «Real» tushmadi. Spalletti uchun alohida quvonish mumkin. U 2012 yildan beri, «Zenit» bilan Rossiya chempionligini qo‘lga kiritganidan beri sovrinsiz edi. Nimanidir yutish vaqti keldi va bu mavsum buning uchun ajoyib imkoniyatdir.
