"Napoli" hujumchisi Viktor Osimxen faoliyatini Angliya premyer-ligasida davom ettirishi mumkin, deya xabar beradi jurnalist Fabrisio Romano.
Manbaga ko‘ra, 24 yoshli nigeriyalik futbolchiga ayni damda "Chelsi" va "Manchester Yunayted" eng ko‘p qiziqish bildirayotgan klublar bo‘lib turibdi.
Avvalroq futbolchiga "PSJ" va "Bavariya" klublari ham qiziqish bildirayotgani xabar qilingandi.
Hujumchining “Napoli” bilan amaldagi shartnomasi 2025 yilning yoziga qadar tuzilgan. Transfermarkt portali Nigeriya terma jamoasi futbolchisini 70 million yevroga baholamoqda.
Osimxen joriy mavsum “Napoli” safida 28 ta o‘yinda maydonga tushib, 23 ta gol urdi va 5 ta golli uzatmani amalga oshirdi.