"Paxtakor"ning ko‘plab futbolchilari FIFA kunlarida O‘zbekiston terma jamoalari ixtiyorida bo‘lishadi.

Hojiakbar Alijonov, Sardor Sobirxo‘jayev, Odil Hamrobekov, Aziz Turg‘unboyev milliy terma jamoa bilan Saudiya Arabistonida Boliviya va Venesuela termalariga qarshi o‘tadigan o‘rtoqlik o‘yinlarida qatnashadi. Himoyachi Farruh Sayfiyev ham mazkur yig‘inda ishtirok etishi kerak edi. Ammo u jarohat tufayli Saudiyaga bormaydigan bo‘ldi.

Diyor Xolmatov va Muhammadqodir Hamraliyev esa U-23 terma jamoasi safida Marokashning Rabot shahrida xalqaro turnirda ishtirok etadi.

U20 Osiyo kubogida g‘oliblikni qo‘lga kiritgan jamoa esa 22 mart kuni Toshkentda yig‘inni davom ettiradilar. Ravshan Haydarov to‘liq tarkib bilan yig‘in o‘tkazadi.

Otabek Boymurodov, Abubakir Ashurov, Diyor Ortiqboyev, Abbos Fayzullayev, Shahzod Rahmatullayev, Behruz Asqarov, Po‘latxo‘ja Xoldorxonov va Shahriyor Jabborov navbatdagi o‘rtoqlik uchrashuvida ishtirok etadilar.

Rustam Fomin, Saidumar Saidnurullayev, Muhammadali O‘rinboyev, Nurlan Ibrohimov, Temur Odilov, Danila Ni esa U-18 terma jamoasining Toshkentdagi yig‘inida qatnashish uchun taklif etilgan.

Shuningdek, yangi ochilgan "Olimpik Farm" jamoasiga, O‘zbekiston olimpiya terma jamoasi manfaati yo‘lida 7 nafar futbolchi, o‘yin amaliyotiga ega bo‘lishi uchun yil oxirigacha ijaraga berildi.

Bular:
1. Maksim Murkayev
2. Shahzod Imomov
3. Muhammadali Zohidov
4. Abduaziz Abdurashidov
5. Sarvar Adhamov
6. Daler Tuxsanov
7. Javohir Bohodirov

Bu futbolchilar ham ikkinchi olimpiya terma jamoamizning navbatdagi yig‘iniga jalb qilindi.

Shu tariqa, "Paxtakor"ning 27 nafar futbolchisi O‘zbekistonning turli terma jamoalarida yurtimiz sharafini himoya qiladilar.