Patris Evra "Manchester Yunayted"ga o‘tishdan oldin Aleks Fergyuson bilan olib borgan muzokaralar haqida gapirdi.

Fransiyalik futbolchi 2006 yilda "Monako"dan "Manchester Yunayted"ga o‘tgan edi.

"Ser Aleks mening agentim bilan gaplashdi va biz Parijdagi Sharl de Goll aeroportida uchrashdik. U fransuz tilini bilmas edi, shuning uchun muzokaralar ko‘proq Devid Gill tomonidan olib borilgan. Mening ingliz tilim yaxshi emas edi, shuning uchun agentim tarjima qildi.

Esimda, Fergyuson "Ichasizmi?" - dedi, yo‘q dedim. "Ziyofatlarga borishni yoqtirasizmi?" - dedi, ba’zan dedim. "Birorta ham o‘yinda yutqazmaslikka tayyormisiz?" - dedi, ha dedim. "Siz hatto durang o‘ynamaslikka ham tayyormisiz?" - dedi, ha deb javob berdim.

Men buni tergovchi so‘roq qilgandek his qildim. Uning qo‘lini siqib, "Men tayyorman. Agar men uni ishonchini oqlamasam, bu odam meni o‘ldiradi. Bu haqiqatan ham ta’sirli" - deb o‘yladim.

"Manchester Yunayted”dan oldin agentim “Liverpul” va “Inter” klublaridan ham variantlarimiz borligini aytdi. Esimda, agentim juda hayajonlanib: “Patris, bu “Manchester Yunayted” - degandi.

Men “MYU”ni Erik Kanton tufayli kuzatdim, shuning uchun bu menga katta ta’sir qildi, lekin Fergyuson bilan uchrashganimda o‘zgacha bir narsani his qildim. Agar siz bu odam bilan yaxshi ishlasangiz, g‘alaba qozonasiz va bu klub uchun katta yutuqlarga erishasiz" - dedi “Manchester Yunayted”ning sobiq himoyachisi.