Патрис Эвра "Манчестер Юнайтед"га ўтишдан олдин Алекс Фергюсон билан олиб борган музокаралар ҳақида гапирди.

Франциялик футболчи 2006 йилда "Монако"дан "Манчестер Юнайтед"га ўтган эди.

"Сэр Алекс менинг агентим билан гаплашди ва биз Париждаги Шарл де Голл аэропортида учрашдик. У француз тилини билмас эди, шунинг учун музокаралар кўпроқ Дэвид Гилл томонидан олиб борилган. Менинг инглиз тилим яхши эмас эди, шунинг учун агентим таржима қилди.

Эсимда, Фергюсон "Ичасизми?" - деди, йўқ дедим. "Зиёфатларга боришни ёқтирасизми?" - деди, баъзан дедим. "Бирорта ҳам ўйинда ютқазмасликка тайёрмисиз?" - деди, ҳа дедим. "Сиз ҳатто дуранг ўйнамасликка ҳам тайёрмисиз?" - деди, ҳа деб жавоб бердим.

Мен буни терговчи сўроқ қилгандек ҳис қилдим. Унинг қўлини сиқиб, "Мен тайёрман. Агар мен уни ишончини оқламасам, бу одам мени ўлдиради. Бу ҳақиқатан ҳам таъсирли" - деб ўйладим.

"Манчестер Юнайтед”дан олдин агентим “Ливерпуль” ва “Интер” клубларидан ҳам вариантларимиз борлигини айтди. Эсимда, агентим жуда ҳаяжонланиб: “Патрис, бу “Манчестер Юнайтед” - деганди.

Мен “МЮ”ни Эрик Кантон туфайли кузатдим, шунинг учун бу менга катта таъсир қилди, лекин Фергюсон билан учрашганимда ўзгача бир нарсани ҳис қилдим. Агар сиз бу одам билан яхши ишласангиз, ғалаба қозонасиз ва бу клуб учун катта ютуқларга эришасиз" - деди “Манчестер Юнайтед”нинг собиқ ҳимоячиси.