Myunxenning «Bavariya» klubi yarim himoyachisi Rayan Gravenberx yozda klubini o‘zgartirishi mumkin.

Jurnalist Jeyms Pirsning so‘zlariga ko‘ra, «qizil mashina» mavsum oxirida gollandiyalik futbolchi bilan uning kelajagini muhokama qiladi.

Gravenberx hamon o‘yin vaqtidan mamnun emas. «RB Leypsig»dan Konrad Laymer Myunxenga kelganidan so‘ng vaziyat yomonlashishi mumkin. «Bavariya» Rayanni hech bo‘lmaganda ijaraga yuborishi mumkin.

Gravenberx Bundesligada «Bavariya» uchun atigi bir marta asosiy tarkibda maydonga tushdi. Yarim himoyachi o‘tgan yozda Amsterdamning «Ayaks» klubidan Myunxenga ko‘chib o‘tgandi.