Мюнхеннинг «Бавария» клуби ярим ҳимоячиси Райан Гравенберх ёзда клубини ўзгартириши мумкин.

Журналист Жеймс Пирснинг сўзларига кўра, «қизил машина» мавсум охирида голландиялик футболчи билан унинг келажагини муҳокама қилади.

Гравенберх ҳамон ўйин вақтидан мамнун эмас. «РБ Лейпциг»дан Конрад Лаймер Мюнхенга келганидан сўнг вазият ёмонлашиши мумкин. «Бавария» Райанни ҳеч бўлмаганда ижарага юбориши мумкин.

Гравенберх Бундеслигада «Бавария» учун атиги бир марта асосий таркибда майдонга тушди. Ярим ҳимоячи ўтган ёзда Амстердамнинг «Аякс» клубидан Мюнхенга кўчиб ўтганди.