Temmi Abraxam mavsumni qiyin o‘tkazmoqda va "Roma" yozgi transfer oynasida u bilan xayrlashmoqchi. Calciomercato xabariga ko‘ra, "Chelsi" 25 yoshli Abraxamni o‘z safiga qaytarish haqida o‘ylamoqda. Londonliklar hujumchini 80 million yevro evaziga qaytarib sotib olish huquqiga ega.
Biroq, "aristokratlar" narxni pasaytirishga harakat qilishlari mumkin. Premyer-liga klubi kelishuvga Romelu Lukakuni ham qo‘shishi mumkin, u yozda "Inter"dan qaytadi. Oldinroq Milan klubi 29 yoshli belgiyalik futbolchini o‘z tarkibida saqlab qolishni rejalashtirmayotgani haqida xabar berilgan edi.
