Joze Mourinyoning “Roma” bilan amaldagi shartnomasi 2023/2024 yilgi mavsum oxirigacha amal qiladi. Biroq, portugaliyalik murabbiy, Il Correira Della Sport nashri xabariga ko‘ra, rahbariyat uning muhim shartini bajarmasa, Italiya klubini erta tark etishi mumkin. Mourinyo yangi o‘yinchilarni sotib olish uchun kafolatlar olishni xohlaydi va hatto yoz uchun uchta katta transfer maqsadini belgilab qo‘ygan. Qaysi futbolchilar haqida gap ketayotgani aniqlanmagan.
“Roma” ayni damda Italiya chempionati jadvalida 5-o‘rinni egallab turibdi. Joze Mourinyo jamoasi to‘rtinchi o‘rindagi “Milan”dan atigi bir ochko ortda qolmoqda.
“Roma” navbatdagi o‘yinini 2 aprel kuni “Sampdoriya”ga qarshi o‘tkazadi.
