Emiliano Martines penaltilar seriyasiga bo‘lgan munosabati haqida gapirdi.
"Penaltilar haqida gap ketganda, bu butunlay boshqacha o‘yin. Bu yerda men hujumchiga va boshqa darvozabonga qarshi bo‘laman. Ba’zilar buni hech qachon tushunishmaydi, chunki ular darvozabonning chiziqda turishini, to‘p uchun sakrashini xohlashadi va tamom.
Ammo zarba yo‘llayotgan futbolchi yuqoriga va pastga sakrashi, zarba berishdan oldin sekinlashishi, golni yuzingni oldida nishonlashi, raqsga tushishi mumkin. Darvozabonlar to‘pni to‘rdan olib chiqib, o‘zlariga qaytarishlari kerakmi? Tushunmayapman", - dedi "Aston Villa" va Argentina terma jamoasi darvozaboni.
