Italiyalik sobiq hujumchi Antonio Kassano «Lasio» bilan derbidagi mag‘lubiyatdan so‘ng «Roma»ning Italiya chempionatidagi yurishi haqida o‘z fikrlari bilan o‘rtoqlashdi.
«To‘qnashuvlar, imo-ishoralar, og‘zaki hujumlar... Biz nima haqida gapirayapmiz? Har bir o‘yinda men ularning butun zaxira o‘rindig‘ini kuzataman. Bu Italiya futboli uchun sharmandalik.
Klub ikkinchi o‘rinni egallashi mumkin edi, lekin Mourinyo kelganidan beri hech narsa o‘zgarmadi, uning ta’sir doirasi borgan sari yomonlashaverdi.
«Lasio» o‘z o‘yin rejasini amalga oshirish uchun hamma narsani qilishga harakat qildi, «Roma» va Dibala esa ayanchli ko‘rinishda», - deya Kassanoning so‘zlaridan iqtibos keltiradi Roma Press.
Eslatib o‘tamiz, Italiya chempionatining 27-turidan keyin «Roma» 47 ochko bilan turnir jadvalida beshinchi o‘rinda bormoqda.
