Germaniya terma jamoasi bosh murabbiyi Xans-Diter Flik o‘rtoqlik uchrashuvida Peruni mag‘lub etganidan keyin (2:0) o‘z fikrlari bilan o‘rtoqlashdi.
Germaniya terma jamoasining ikkala goli ham birinchi bo‘limda Niklas Fyullkrugning sa’y-harakatlari bilan kiritildi.
«Biz juda dinamik o‘yin ko‘rsatdik, ijobiy daqiqalar ko‘p bo‘ldi. Jamoa hech qachon bunday tarkibda o‘ynamagandi, ammo bu ikki ajoyib gol urishimizga va himoyada mustahkam o‘ynashimizga to‘sqinlik qilmadi.
O‘z uyingdagi Yevropa chempionatiga tayyorgarlik ko‘rish katta mas’uliyat, juda muhim vazifa. Bugun o‘yinchilarning motivasiyasi sezilarli bo‘ldi - ular qo‘shimcha bir necha metr yugurishdan qo‘rqmadilar», - dedi Flik.
