Германия терма жамоаси бош мураббийи Ханс-Дитер Флик ўртоқлик учрашувида Перуни мағлуб этганидан кейин (2:0) ўз фикрлари билан ўртоқлашди.
Германия терма жамоасининг иккала голи ҳам биринчи бўлимда Никлас Фюллкругнинг саъй-ҳаракатлари билан киритилди.
«Биз жуда динамик ўйин кўрсатдик, ижобий дақиқалар кўп бўлди. Жамоа ҳеч қачон бундай таркибда ўйнамаганди, аммо бу икки ажойиб гол уришимизга ва ҳимояда мустаҳкам ўйнашимизга тўсқинлик қилмади.
Ўз уйингдаги Европа чемпионатига тайёргарлик кўриш катта масъулият, жуда муҳим вазифа. Бугун ўйинчиларнинг мотивацияси сезиларли бўлди - улар қўшимча бир неча метр югуришдан қўрқмадилар», - деди Флик.
